Peja pushton Sofjen, mposht liderin

Peja është kthyer me fitore nga njëra prej udhëtimeve më të vështira në Balkan League. Skuadra kosovare e mposhti ekipin bullgar Levski Sofia, i cili deri para kësaj ndeshjeje ishte lider i Balkan League.

Verdhezinjtë e filluan mirë ndeshjen, duke krijuar epërsi 0-4 në fillim me pikët e Gerti Shimës dhe të Teo Simovicit, derisa edhe 05:11 minuta pa mbaruar çereku i parë, krijuan epërsi prej 11 pikëve, 2-13. Në fund çereku i parë përfundoi me epërsi 10 pikëshe të pejanëve, 13-23.

Në çerekun e dytë djelmoshat e trajnerit Daniel Lutz vazhduan të luajnë me tempo të njëjtë, duke e mbajtur epërsinë kryesisht në pikë dyshifrore, megjithëse kjo epërsi u zvogëlua në shtatë pikë në fund të pjesës së parë.

Në çerekun e tretë epërsia e Pejës arriti deri në 19 pikë me trepikëshin e Samir Shaptahovicit, duke krijuar kështu epërsinë më të thellë në ndeshje.

Pejanët në periudhën e fundit të takimit hynë me rezultat 52-65 në të mirë të tyre.

Në mesin e çerekut të katërt fitorja e sigurtë e Pejës filloi të vihej në dyshim pas gabimeve të shumta të basketbollistëve pejanë, por këtë nuk arritën ta shfrytëzojnë bullgarët dhe kështu nën udhëheqjen e Samir Shaptahovicit dhe Fred Houseit të pandalshëm Peja shënoi fitore me rezultat 69-81.

Me këtë fitore, Peja arriti t’i revanshohet humbjes në ndeshjen e parë ndaj Levskit, kur ishte mposhtur me rezultat 78-86 në Karagaç, ndërkohë që kjo ishte fitorja e parë si mysafire.

Tabela aktuale dhe rezultatet.

Statistikat ekipore

	Levski	Peja
Çereku i parë	13	23
Çereku i dytë	21	18
Çereku i tretë	18	24
Çereku i katërt	17	16
Kërcime në mbrojtje	15	21
Kërcime në sulm	11	14
Gjithsej kërcime	26	35
Asistime	12	15
Topa të vjedhur	12	12
Topa të humbur	20	18
Tentime për tre pikë	5/18	5/16
Tentime për dy pikë	17/32	27/46
Tentime nga gjuajtjet e lira	20/30	12/18

Statistikat individuale te Levski

1	Djordje Micic	15 pikë	2 asistime	1 kërcim
2	Jumaine Jones	12 pikë	11 kërcime	3 topa të vjedhur
3	Hristo Zahariev	12 pikë	4 asistime	2 kërcime
4	Nikolai Varbanov	8 pikë	5 kërcime
5	Michael Wilkinson	8 pikë	4 kërcime	1 asistim
6	Lionel Chalmers	6 pikë	2 asistime	2 topa të vjedhur
7	Ventsislav Petkov	6 pikë	2 asistime	1 kërcim
8	Pavel Ivanov	2 pikë	1 kërcim

Statistikat individuale te Peja

1	Samir Shaptahovic	22 pikë	6 asistime	3 kërcime
2	Fred House	18 pikë	8 kërcime	4 asistime
3	Gerti Shima	13 pikë	6 kërcime	1 bllokadë
4	Teo Simovic	13 pikë	6 kërcime
5	Mario Edwards	8 pikë	1 kërcim	1 asistim
6	George Odufuwa	5 pikë	6 kërcime	3 asistime
7	Drilon Hajrizi	2 pikë	2 kërcime	1 asistim