SHANI NUSHI - GJAKOVË
BOROZANI/Edrin Shkuliqi/Arkiv
Peja kalon Vëllaznimin
22 February, 2015 @20:19
Vëllaznimi është mbajtur shumë mirë karshi Pejës sonte, përkundër se humbi. Ekipi gjakovar ka arritur të përmbahet mjaft shumë me forcat vendore ndaj verdhezinjëve.
Sidoqoftë, në fund Peja shënoi fitore të thellë ndaj ekipit të Gjakovës, që po luan ndeshjen e tretë në Superligë me prodhime vendore.
Epërsia e Pejës nga çereku në çerek ngritej për të arritur fitore komode në fund.
Kurtovic në çerekun e fundit i dha mundësi të gjithë basketbollistëvë të shijojnë përvojën nga ndeshja, duke mos lënë asnjërin nga ekspedita pejane në Gjakovë, pa shijuar ndeshjen.
Sidoqoftë, më të dalluarit te ekipi fitues ishin Drilon Hajrizi dhe Janou Rubin, derisa Fisnik Rugova e Arti Hajdari gjithashtu u shquan me kontributin e tyre në lojë.
Te Vëllaznimi, ndër më të dalluarit në ndeshje ishin Korab Prekazi e Ujkan Karanezi, derisa atyre i ndihmuan edhe gjakovarët, Genti Zeka e Valon Gashi.
Pas kësaj ndeshjeje Peja ka bilancin 17-3, derisa Vëllaznimi 5-15.
REZULTATET DHE TABELA AKTUALE.
Koshashënuesit te Vëllaznimi
| 1 | Korab Prekazi | 15 pikë | ||
| 2 | Ujkan Karanezi | 14 pikë | ||
| 3 | Gent Zeka | 11 pikë | ||
| 4 | Valon Gashi | 10 pikë | ||
| 5 | Blendi Matoshi | 9 pikë | ||
| 6 | Imer Tahiri | 6 pikë | ||
| 7 | Sami Hajzeri | 4 pikë | ||
| 8 | Kreshnik Avdija | 2 pikë | ||
| 9 | Driton Rraci | 1 pikë |
Koshashënuesit te Peja
| 1 | Drilon Hajrizi | 19 pikë | ||
| 2 | Fisnik Rugova | 15 pikë | ||
| 3 | Janou Rubin | 14 pikë | ||
| 4 | Arti Hajdari | 13 pikë | ||
| 5 | Rron Grapci | 11 pikë | ||
| 6 | Jozo Brkic | 8 pikë | ||
| 7 | Alban Veseli | 7 pikë | ||
| 8 | Ardit Beqiri | 6 pikë | ||
| 9 | Vigan Radoni | 4 pikë | ||
| 10 | Mario Austin | 3 pikë |
