Kupa në Pejë

Peja ka arritur të shënojë fitore në finale të Kupës së Kosovës në basketboll për të fituar Kupën e Kosovës pas tre viteve pritje. 

Viti 2011 ishte hera e fundit kur verdhezinjtë kishin fituar këtë Kupë, derisa të drejtuar nga Boris Kurtovic, Peja, arriti te trofeu i saj i parë pas shpalljes kampion në stinorin 2012/13. 

Rrjedha e ndeshjes

Drilon Hajrizi dhe Nic Wise kanë qenë basketbollistët që kanë bërë dallimin në çerek të parë të ndeshjes. Atyre me pikë iu ndihmoi Alban Veseli, derisa Prishtina nuk arriti të shënojë më shumë se 10 pikë në këtë çerek, krahas 23-ve të verdhezinjëve. 

Tre minutat e para të çerekut të dytë panë këtë rezultat, 2-2 (25-12 për Pejën), pasi që sa gabonin basketbollistët e njërës, ashtu edhe të tjetrës palë. Pas një pushimi minutësh, lojtarët erdhën në vete dhe ndeshja rimorri mprehtësinë e saj, ku pak më e koncentruar dukej Prishtina, derisa Peja mbahej me Wise e Janou Rubin në lojë (41-29 për Pejën). 

Pjesa e dytë

Pasi u kthyen nga pushimi, në pjesë të dytë, Prishtina u udhëhoq nga qendra boshnjake Edin Bavcic, që me gjuajtet nga jashtë, por edhe me lojë të mirë brenda zonës, mbante Prishtinën në lojë, por edhe ulte nga pak epërsinë pejane. 

Në çerekun e fundit të lojës Prishtina arriti të ulë epërsinë pejane në 5 pikë, mirëpo përmes Hajrizit dhe Veselit të jashtëzakonshëm, pejanët mbajtën 10 pikëshin kah fillimi i këtij dhjetë minutëshi. 

Fundi dramatik

Pikët e Julian Mavungas (një treshe dhe një ngulitje) minimizuan epërsinë e Pejës, e në akcionin e parafundit Veseli maestral shënon për të bërë rezultatin 69-66 për Pejën. 

Akcioni i fundit i Prishtinës, u ndërpre përsëri nga Veseli, për të dalë në sulm dhe për tu fauluar. Veseli shënoi një pikë nga gjuajtja e lirë për t’ia dhënë Pejës 3.9 sekonda para fundit të ndeshjes. 

Ky ka qenë triumfi i parë i Pejës ndaj Prishtinës në një finale pas titullit kampion të Pejës, dy stinorë më parë. 

Statistikat ekipore:

Statistikat individuale te Sigal Prishtina:

Statistikat individuale te Peja: