Penalltia e përsëritur nga VAR, vendos derbin

Inter mbetet në garë për titull me tri pikë më pak se Milani lider, pas një fitoreje të madhe në derbi ndaj Juventusit në Allianz të Torinos, 0-1 [Hakan 45+5p.].

Penalltinë e parë të shutuar e mbrojti portieri polak i Juventusit, Wojciech Szczesny, por ajo u përsërit nga VAR, pasi që disa lojtarë kishin hyrë në 16-metërsh para se të goditej topi - e këtë nuk ia la rastit Hakan Çalhanoglu për t’ia sjellë fitoren Interit.

Në pjesë të dytë, rezultati nuk u ndërrua, përkundër se Juventus provoi në disa raste, dhe kështu lufta për titull kampioni në Itali vazhdon të jetë interesante me Milanin lider, të ndjekur nga Napoli e Inter.