B'MOUTH - ARSENAL
Foto: premierleague.com
Për 4 minuta përmbysin Arsenalin
14 January, 2018 @16:24
Arsenal është mposhtur përsëri. Humbja e dytë në janar, pas asaj nga Nottingham Foresti në Kupë, ndërsa pa fitore në Premier Ligë në vitin 2018.
Përkundër epërsisë së dhënë nga Hector Bellerin, Arsenal nuk ka arritur të marrë pikë sot. Bournemouthit vendas i janë dashur katër minuta shpërthim, për të shfrytëzuar një gabim të Petr Cech për barazim 1-1 me Callum Wilson, që më pas asistoi për Jordan Iben, për 2-1 triumfuese.
Bournemouth ka regjistruar tre pikë shumë të rëndësishme në luftë për mbijetesë në Premier Ligë, derisa Arsenal që kishte mungesa të theksuara në ekip (Mesut Ozil, Alexis Sanchez, Olivier Giroud, Laurent Koscielny, etj.) mbetet jashtë pesëshes kryesuese të ligës.
