MIQËSORE: FENER - KUKËSI
Fenerbahçe e pafuqishme ndaj Kukësit
13 January, 2018 @20:02
Duelet miqësore të Kukësit në Turqi janë duke shkuar në mënyrë më të mirë të mundshme për ekipin që tashmë po punon nën direktivat e austriakut, Peter Pacult.
Pas fitoreve të shënuara ndaj Kayserisporit dhe Bursasporit, sot Kukësi edhe pse kishte epërsi 2-0 ndaj Fenerbahçes, në fund, pas dy penalltive të akorduara për gjigandin nga Stambolli dhe afro 100 minuta të zhvilluara, ekipet kanë barazuar në fund, 2-2.
Golat për Kukësin i shënuan Elis Bakaj (28’) dhe Bujar Idrizi (34’), ndërsa për Fenerbahçen Giuliano (50’) dhe Fernandao (90’+) - të dy nga penalltia.
