Për herë të pestë rresht në Final 4

Nënkampioni i Euroleagues, Fenerbahçe, për herë të pestë rresht arriti të kualifikohet në Final Four të Euroleagues.

Fenerbahçe në seri me skuadrën lituaneze, Zalgiris Kaunas, mposhti 3 herë rivalin për t’u kualifikuar në mesin e katër skuadrave më të mira.

Ndeshja e katër e serisë përfundoi me rezultat 82-99.

Feneri në këtë ndeshje luajti pa Nikola Kalinicin i lënduar, derisa shkëlqeu Ali Muhammed me 25 pikë, i cili ishte i saktë nga vija e treshit 100%, duke shënuar 5 herë në 5 tentimet e tij.

Te Zalgirisi Brandon Davies u veçua me 25 pikë.

SKEMA E PLAY OFFIT

Fenerbahçe për herë të pestë do të jetë në Final Four dhe 3 herë rresht është duke e shijuar finalen, ku një herë u bë kampion. Në Final Four do të përballet me fituesin nga dueli Anadolu Efes - Barcelona, ku rezultati aktual i serisë është 2-1 në favor të skuadrës turke.