GAME 5: ROCKETS - JAZZ
FOTO/ nba
Houston Rockets në gjysmëfinale
25 April, 2019 @10:14
Houston Rockets u bë skuadra e dytë që e arriti gjysmëfinalen në Konferencën Perëndimore.
Seria në mes të Houstonit dhe Utah Jazz zgjati pesë ndeshje dhe përfundoi me rezultat 4-1 në favor të raketave.
Ndeshja e fundit e serisë u mbyll me rezultat 100-93 për djelmoshat e trajnerit Mike D’Antoni.
Më i miri te Houstoni si zakonisht ishte James Harden. Ai luajti me 26 pikë, 6 kërcime e 6 asistime.
Te Utah Jazz koshashënuesi më i mirë ishte Royce O’Neale me 18 pikë, kurse ylli i skuadrës Donovan Mitchell shënoi vetëm 12 pikë, gjë që ndikoi në humbjen e skuadrës.
Houston Rockets, pas Portland Trail Blazzers, u bë skuadra e dytë në Konferencën Perëndimore që u kualifikua në gjysmëfinale, e aty do të përballet me fituesin nga dueli Golden State Warriors - Los Angeles Clippers, ku rezultati aktual është 3-2 në favor të Warriorsave.
