GAME 5: WARRIORS - CLIPPERS
Humbja e dytë në shtëpi, ngushtohet seria
25 April, 2019 @10:57
Kampioni aktual i NBA-së, Golden State Warriors, për herë të dytë në seri kundër Los Angeles Clippers, pësoi në shtëpi.
Humbjen e dytë rresht në “Oracle Arena” e regjistruan me rezultat 121-129.
32 vjeçari Lou Williams, përsëri ishte në skenë te Clippersat. Ai shkëlqeu me 33 pikë e 10 asistime, derisa u ndihmua edhe nga italiani Danilo Gallinari me 26 pikë të tjera.
Te Golden State, më i dalluari ishte Kevin Durant me 45 pikë, 6 kërcime e 6 asistime, kurse Stephen Curry arriti të shënojë treshen e 400 në Play Off dhe u bë lojtari i parë në histori të Play Offit që e arriti këtë shifër.
Tani rezultati në seri është 3-2 në favor të Golden State Warriors. Ndeshja e gjashtë e serisë do të luhet më 27 prill në ora 04:00 në palestrën e Los Angeles Clippersit.
