Përballja kosovare, e mundshme në çerekfinale!

Sigal Prishtina me fitoren e sontme ndaj Rilskit, e përfundoi fazën e dytë grupore në pozitën e dytë, falë bilancit të qindpërqindtë në këtë fazë.

Kështu, bardhekaltërit tani presin ndeshjen e nesërme ndërmjet Mornarit dhe Pejës, që është ndeshja e fundit e fazës së dytë grupore në BIBL, për ta mësuar kundërshtarin e radhës për hapin e fundit drejtë Play Offit.

Peja në rast të fitores në këtë ndeshje, do të kualifikohet drejtpërdrejtë në Play Off, ndërsa në rast të humbjes do të përfundojë në pozitën e tretë, që do të thotë se do të takohet me Sigal Prishtinën në fazën në çerekfinale.

Pra, mundësia e vetme që të shmanget përballja kosovare në BIBL është fitorja e Pejës nesër në Tivar, e nëse ndodh kjo, atëherë kundërshtari i Prishtinës do të bëhet ekipi rumun, Craiova.

Sipas sistemit të garave në BIBL, dy skuadrat e para në grupet C dhe D kualifikohen drejtpërdrejtë në Play Off, ndërsa skuadra që përfundojnë në pozitën e dytë në grup, do të luajnë edhe dy ndeshje (vajtje-ardhje) me skuadrën e pozitës së tretë të grupit tjetër.

Ndryshe nga stinori i kaluar, këtë stinor nuk do të organizohet Final Four në Ligën Ballkanike, pasi fituesi do të përcaktohet nëpërmjet Play Offit.

Tabela aktuale në Ligën Ballkanike.

Play Offi në rast të fitores së Pejës

Play Offi në rast të humbjes së Pejës