ISTOGU - PENZA
Përforcimi i Penzës shkëlqen në fitore
27 January, 2019 @16:48
Skuadra e Penzës me performancën e mirë të përforcimit Mackuei Puondak, arriti ta mposhtë Istogun me rezultat 64-89.
Puondak në ndeshjen e parë të tij me Penzën, shkëlqeu me 31 pikë, 15 kërcime, 6 asistime, 3 topa të vjedhur dhe me 2 bllokada, duke luajtur rolin kryesor në fitoren e skuadrës së tij. Amerikani mori ndihmë edhe nga Blend Kadusha, i cili u dallua me 20 pikë, 8 kërcime e 8 asistime.
Te Istogu si zakonisht më i miri ishte Diamant Shabani me 27 pikë e 8 kërcime, derisa gjatë tërë lojës te Istogu me pikë kontribuan vetëm katër lojtarë.
Kjo ishte fitorja e katërt e Penzës krahas 6 humbjeve që i ka, derisa humbja e Istogut, bën që Drita të shpresojë në Play Off, pasi që është ndjekësja kryesore.
