Po festojmë arritjen, pastaj përgatitemi për rivalin

Me rezultat më të mirë nga dy ndeshjet e zhvilluara, Bashkimi ka arritur për herë të parë në histori të klubit në katërshen më të mirë të BIBL.

Ekipi prizrenas me lojë të mirë në çerek të fundit uli epërsinë e Akademikut dhe kështu siguroi biletën për Final Four.

RRUGA DREJT FINALES SË BIBL

Ndërsa deklarata e trajnerit të Bashkimit, Dragan Radovic, pas ndeshjes ka qenë:

“Dua ta uroj Akademikun për lojë të mirë. Ne kaluam këtë raund pasi që u munduam mjaft. Mendoj se e merituam të shkojmë në Final Four, kur llogarisim të dy ndeshjet. Mendoj se do të luajmë mirë edhe në finale të garës,” ka thënë malaziasi Radovic për të shtuar.

“Rivali ynë i radhës, Rilski, është ekip i shkëlqyeshëm. Por, tash dëshirojmë të festojmë këtë arritje dhe pas kësaj do të përgatitemi për ndeshjet e javës tjetër,” ka përfunduar Radovic 41 vjeç.