Polakët e fuqishëm

Selektori amerikan i Kosovës, Brad Greenberg, ka thënë se paraqitja e ekipit të Kosovës ka qenë e mirë duke pasur parasysh fuqinë që ka.

Ai ka cekur se polakët kanë qenë shumë të mirë në kundërsulme dhe kanë pasur shumë pikë nga banka rezervë - që ka qenë kryesore në krijim të dallimit në rezultat.

ORARI, NDESHJET DHE TABELA

“Polonia është ekip i fuqishëm. Vetëm statistikat nëse i shikojmë, shohim fuqinë e tyre. Kundërsulmet, pastaj pikët e lojtarëve nga banka, thjesht kanë qenë më të mirë se ne. Mirëpo, siç tha edhe Dardani, vetë pjesëmarrja e Kosovës në këto gara është krenari për këta djem dhe ata po japin gjithçka nga vetja. Tash na pret një ndeshje edhe më e vështirë, pas tre ditëve,” ka thënë Greenberg pas ndeshjes.

Kosova është aktualisht në pozitën e fundit në Grupin C kualifikues për Botëror, pas Lituanisë, Polonisë dhe Hungarisë, me tre humbje nga tre ndeshje.