PontePrizreni prezanton snajperistin, paralajmëron përforcim nga EuropeCup

Skuadra prizrenase, Ponte Prizreni, ka bërë të ditur se ka regjistruar në skuadër amerikanin Landon Taliaferro.

Basketbollisti në fjalë 193-centimetra i gjatë njihet si shuter shumë i mirë, ka bërë të ditur klubi bardhezi nga Prizreni, derisa ai do të zëvendësojë basketbollistin Jeremiah Paige, që u largua nga skuadra.

Taliaferro ka qenë pjesë e Amicale nga Luksemburgu këtë stinor, mirëpo pasi që aty u ndërpre stinori për shkak të pandemisë, basketbollisti ka mbetur pa angazhim dhe Ponte Prizreni e ka shfrytëzuar mundësinë për marrjen e tij.

Sipas statistikave që i posedon Eurobasket, TopSporti ka kuptuar që lojtari në fjalë ka pak lojë të regjistruara me skuadrën luksemburgase, pasi që stinori u ndërpre.

Mirëpo, statistikat e tij janë jashtëzakonisht shpresëdhënëse për skuadrën. Taliaferro ka luajtur mesatarisht 33.5 minuta për ndeshje, ka pasur përqindje prej 46.4% për tre pikë, derisa ka regjistruar 4 kërcime për ndeshje mesatarisht dhe 0.5 asistime.

Gjithashtu, ai ka qenë lojtari më i dalluar i ekipit të Amicales për sa u luajt kampionati atje.

Por, sipas drejtuesve të Pontes asgjë nuk përfundon këtu. Ata shumë shpejt do të zyrtarizojnë edhe transferin e radhës në skuadër ku kanë bërë të ditur që po vjen një lojtar me përvojë nga EuropeCup, ABALiga, Bundesliga, etj.