Pos fitores, shpresat te Islanda

Përballjet e nesërme në kuadër të Grupit B parakualifikues për Botërorin 2023 të zonës evropiane do të ndiqen me kujdes. Veçanërisht në taborin e Kosovës dhe atë të Sllovakisë.

Kjo, pasi që ekipit të Kosovës i duhet fitorja ndaj Sllovakisë, në përballjen e nesërme që nis prej orës 19:00.

Por, para kësaj ata do të bëjnë tifo për Islandën e kualifikuar tashmë, pasi që fitorja e islandezëve ndaj Luksemburgut është opsioni i vetëm që dardanët me fitore të kalojnë tutje - në fazën kualifikuese për Botërorin 2023 - që edhe është synimi real i Kosovës.

Luksemburgu do të ndeshet me Islandën në ora 16:00 nesër në Pallatin e Rinisë dhe të Sporteve, pasi që FBK është organizatore e dueleve të fundit të këtij raundi parakualifikues.

Ndërsa Kosova do të kërkojë fitoren e vështirë ndaj Sllovakisë pas kësaj ndeshjeje, me fillim në ora 19:00.

TABELA e GRUPIT B:

1. Islanda 4-1
2. Luksemburgu 2-3
3. Sllovakia 2-3
4. Kosova 2-3.