Prej Superligës në Euroligë

Njëri ndër basketbollistët më të mirë amerikan që ka zbarkuar në Kosovë, Tay Waller, është pranë zyrtarizimit te Olimpia Milano Armani.

Fundori Waller, që njihet për dorën e tij të butë dhe shpejtësinë në sulm, një kohë ka qenë pjesë e Sigal Prishtinës dhe Bashkimit në Superligë të Kosovës dhe tashmë i është bashkangjitur ekipit të Milanos që garon në Euroligë, ligën më të rëndësishme europiane të basketbollit.

Waller i është bashkuar ekipit në kampin veror nga Varese, dhe tashmë pritet të bëhet lojtar i ri i ekipit më të mirë italian në vitet e fundit.

Amerikani 30 vjeçar kishte pësuar një lëndim të rëndë te Prishtina gjatë stinorit 2013/14 dhe u largua për t’u kthyer në stinorin 2015/16 te Bashkimi i Prizrenit, prej ku kapërceu te Mornari i Tivarit dhe në stinorin 2017/18 kaloi te Varese e Italisë.