Prishtina, e gatshme për Mornarin

Fituesja e të gjitha trofeve në basketbollin vendor këtë vit, Sigal Prishtina, është duke e shikuar mundësinë që me fitore ndaj Mornarit, të përfundojë vitin në Balkan League me fitore dhe atë para tifozëve të saj. 

Djelmoshat e Sabit Hadzic kanë mposhtur Mornarin në Tivar, në ndeshjen e parë dhe është e kuptueshme se tash e kërkojnë edhe fitoren në Pallatin e Rinisë dhe të Sporteve. 

Asnjëra skuadër nuk ka raportuar për të lënduar. 

Sigal Prishtina në ekip ka Dardan Berishën, që sot është koshashënuesi më efikas i Balkan League. Por, Dardani nuk përfundon me kaq, ai është edhe në vend të parë sot me mesataren e efiçencës, me kuotë 21.2, që jep lojtarin më të vlefshëm për ekip në tërë BIBL. 

Ndërsa qendra boshnjake e prishtinasve, Edin Bavcic, është kërcyesi i katërt më i mirë në ligë me 9 kërcime për ndeshje - që gjithashtu tregon rëndësinë e lojës konstante të tij. 

Dyshja në fjalë, pritet të jenë përsëri dyshja kryesore në rrugën drejt fitores për bardhekaltërit. 

Kujtoni ndeshjen e kaluar

Pas kësaj ndeshjeje, Sigal Prishtina ka vetëm edhe një përballje në Superligë - për të shkuar në pushim për festat e fundvitit. 

Gjyqtarët në ndeshjen e sontme do të jenë të njejtit që ishin mbrëmë në Pejë: Vladimir Tsekov, Ventsislav Velikov dhe Zoran Mitrovski. 

Gjendja aktuale e tabelave dhe Rezultatet e deritashme