SIGAL PRISHTINA
Prishtina ofertë për Voglin!
29 June, 2013 @13:12
Sigal Prishtina është pranë marrëveshjes me basketbollistin shqiptar të Tiranës, Redi Vogli.
Lajmi është përhapur sot nëpërmjet mediave shqiptare, ku thuhet se Vogli ka marrë një ofertë nga Prishtina dhe shumë lehtë mund t’i bashkohet skuadrës bardhekaltër.
Sipas gazetës Panorama Sport, basketbollisti në fjalë është duke e shqyrtuar ofertën dhe brenda disa ditëve përfundimisht do të vendosë për të ardhmen e tij.
Redi Vogli është 190 centimetra i gjatë dhe luan në pozitat 2 dhe 3.
Sigal Prishtina deri më tani ka nënshkruar me basketbollistët e huaj Aurimas Kieza, Ceola Clark dhe Tay Waller, ndërsa brenda disa ditëve pritet të zyrtarizohet marrëveshja edhe për një stinor me trajnerin turk, Ahmet Kandemir, i cili e drejtoi skuadrën në gjysmëstinorin e fundit.
