PRISHTINA
Prishtina suspendon kapitenët
9 November, 2019 @21:43
Kampionia e Superligës së Kosovës në basketboll, Prishtina, pësoi sonte nga Rahoveci me rezultat 87-94.
Dy kapitenët e skuadrës së Prishtinës Edmond Azemi dhe Dardan Berisha janë kacafytur sonte, derisa Prishtina reagoi menjëherë pas ndeshjes me një njoftim në llogarinë zyrtare të tyre.
“Pas gjesteve dhe veprimeve të pahijshëm dhe të pa tolerueshëm të kapitenit dhe zv.kapitenit Edmond Azemi dhe Dardan Berisha, pas kacafyrtjeve ndërmjet tyre, klubi ka vendosur që t’i suspendojë nga ekipi që të dy.
Imazhin e klubit të Prishtinës nuk guxon dhe nuk mund ta dëmtojë asnjë individ pavarësisht kontributit të tyre në klub,” ka njoftuar skuadra e Prishtinës.
Prishtina aktualisht gjendet në pozitën e tretë me 5 fitore e 3 humbje.