TEAM OF THE WEEK
TOP 5-shja e javës në Ligën e Parë (4)
9 November, 2019 @10:53
Pas ndeshjeve të përfunduara të xhiros së katërt në Ligën e Parë në basketboll, TopSporti.com ka përzgjedhur pesëshen e javës bazuar në performancat individuale të lojtarëve.
Ekipin e javës e përbëjnë: Arion Balluku (Vëllaznimi), Kreshnik Muçolli (AS Prishtina), Meriton Ismaili (Prishtina e Re), Bardh Jakupi (Drita) dhe Dion Haxhosaj (AS Prihtina).
Vëllaznimi duke e mposhtur New Basketin në xhiron e katërt në Ligën e Parë të Kosovës në basketboll, ka vazhtuar të jetë lider pa humbje.
Më i dalluari te skuadra gjakovare ishte Arion Balluku. Ai luajti me 23 pikë, 9 asitime, 4 kërcime e 4 topa të rrëmbyer.
Njëra ndër dy skuadrat pa humbje në Ligën e Parë, AS Prishtina, e mposhti Kerasan Prishtinën që gjithashtu ishte pa humbje deri në këtë ndeshje.
Kreshnik Muçolli dhe Dion Haxhosaj ishin më të mirët në derbin lokal. Muçolli luajti me 24 pikë, 5 kërcime, 4 topa të rrëmbyer dhe 3 asistime, derisa Haxhosaj me 21 pikë, 20 kërcime e 5 asistime.
Prishtina e Re e regjsitroi fitoren e dytë të stinorit, duke e mposhtur Borean. Më i dalluari te skuadra prishtinase ishte Meriton Ismaili me 26 pikë e 8 kërcime.
Fitorja e parë për Dritën erdhi në këtë xhiro. Skuadra gjilanase e mposhti Vushtrrinë në ndeshjen hapëse të xhiros. Bardh Jakupi ishte më i veçuari me 28 pikë, 13 kërcime, 4 asistime e 4 topa të rrëmbyer.