PRISHTINA E RE - BOREA
Çereku i fundit vendimtar për Prishtinën e Re
8 November, 2019 @23:18
Ndeshja mbyllëse e xhiros së katërt në Ligën e Parë të Kosovës në basketboll, përfundoi me fitoren e Prishtinës së Re me rezultat 70-63 kundër Boreas.
Në 3 çerekët e parë rezultati ishte i ngushtë, derisa Prishtina e Re në 10 minutëshin e fundit e bëri dallimin për ta regjistruar fitoren e dytë të stinorit.
Meriton Ismaili ishte më i dalluari te skuadra prishtinase me 26 pikë e 8 kërcime, derisa me pikë dyshifrore luajti edhe Arbër Sinani me 10 pikë.
Te Borea më i miri ishte Ilir Shala me 18 pikë.
Prishtina e Re me 2 fitore e 1 humbje gjendet në pozitën e pestë, kurse Borea ende nuk u njoftua me fitore.
Në xhiron tjetër Prishtina e Re takohet me New Basketin, kurse Borea me Dritën.
