Era Shatri me dyshifror të katërfishtë, Prishtina pa problem

Vashat e Prishtinës pa problem e kaluan pengesën e Kastriotit, duke i mposhtur me 70 pikë epërsi 116-46.

Nga fillimi i ndeshjes e deri në fund, epërsia gjithmonë ishte te Prishtina.

Paraqitje fenomenale individuale në këtë takim zhvilloi Era Shatri për Prishtinën, e cila shkëlqeu me dyshifror të katërfishtë prej 14 pikëve, 10 kërcimeve, 10 asitimeve dhe 10 topave të rrëmbyer, derisa u ndihmua edhe nga Besijana Martinaj me 23 pikë, Irma Konjusha dhe Triga Ukaj me nga 20 pikë dhe Enisa Kamerolli me 18 pikë të tjera.

Era me këtë performancë hyri në histori të Ligës së Femrave, duke shënuar për herë të parë dyshifror të katërfishtë (quadruple-double).

Te Kastrioti u dalluan Agnesa Rrahmani me 22 pikë dhe Anita Grainca me 15 pikë të tjera.

TABELA AKTUALE

Prishtina gjendet në pozitën e dytë me 4 fitore e 1 humbje, derisa Kastrioti me 1 fitore e 4 humbje është në pozitën e katërt aktualisht.

Në xhiron tjetër Prishtina takohet me Vëllaznimin, kurse Kastrioti me Penzën.