Raketat para lansimit në finale!

Edhe pse mendohej që Golden State Warriors do ta ketë lehtë dhe kapaciteti i Houston Rockets, nuk do të kalonte dy fitoret - sot në mëngjes gjithçka ndërroi.

Finalja e Konferencës Perëndimore në NBA mund të sjellë befasinë më të këndshme, derisa Houston Rockets ka kaluar në epërsi 3-2 me fitore 98-94 ndaj Golden State Warriorsit dhe tashmë është vetëm një fitore larg finales së madhe të NBA-së.

Lojtari nga banka rezervë, Eric Gordon, ka shënuar 24 pikë e 4 kërcime, ndërsa Chris Paul ka pasur paraqitje tejet impresive. Ai ka shënuar 20 pikë, 7 kërcime e 6 asistime në këtë fitore të raketave! Ndërsa në çerekun e fundit me pikët e shënuara në momente kyçe, thjesht ka çuar ekipin drejt fitores së radhës dhe e ka afruar finalen e madhe.

Luftëtarët në anën tjetër mbetën të befasuar në fund me atë çfarë u ndodhi. Dray Green, Steph Curry e Kevin Durant - kanë qenë në parket përgjatë mbi 40 minutave. Pushuan nga 1, maksimalisht 2 minuta gjatë tërë ndeshjes - që nuk mjaftoi.

PLAYOFF SKEMA

Green luajti me double-double prej 12 pikëve e 15 kërcimeve. Durant shënoi 29 pikë, ndërsa Curry 22 pikë, 7 kërcime e 6 asistime - të gjitha këto, të pamjaftueshme ndaj raketave sot.

Ndeshja e gjashtë e serisë tash luhet në palestrën e luftëtarëve, në mëngjesin e 27 majit (03:00).