PRISHTINA - RAHOVECI
Recetë e njëjtë nga vreshtarët për Prishtinën
9 November, 2019 @21:01
Nënkampioni i Superligës së Kosovës në basketboll, Rahoveci, për herë të dytë në këtë sezon e mposhti Prishtinën.
Vreshtarët e mposhtën kundërshtarin me rezultat 87-94 në Pallatin e Rinisë dhe të Sporteve në Prishtinë.
Dallimi i ndeshje u bë në çerekun e tretë, ku skuadra e Rahoveci shënoi 28 pikë, derisa me mbrojtje të mirë pësoj vetëm 8 pikë.
Chris Bradford ishte më i miri te Rahoveci me 21 pikë, 8 asitime, 5 kërcime e 3 topa të rrëmbyer, derisa mori ndihmë edhe nga Jure Gunjinja me 17 pikë, Arian Qallaku dhe Javis Howard me nga 15 pikë dhe Justin Gray me 13 pikë të tjera.
Te Prishtina Fahro Alihodzic luajti me double-double prej 25 pikëve e 12 kërcimeve, Divine Myle me 16 pikë, Dardan Berisha me 15 pikë, por nuk mjaftoi për fitore.
Rahoveci gjendet në krye të tabelës me 8 fitore dhe vetëm 1 humbje, derisa Prishtina është në pozitën e tretë me 5 fitore e 3 humbje.
Në xhiron tjetër Rahoveci takohet me Feronikelin, skuadra e vetme që e mposhti Rahovecin këtë sezon, derisa Prishtina me Prizrenin.