RIP KOBE / RESPECT
Respekti i ndërsjellë, madhështia e yjeve në mesazhin e fundit të Kobet në twitter!
26 January, 2020 @23:02
Madhështia e tij Kobe Bryant kishte respekt të madh për të gjithë sportistët, veçanërisht për ata që pandalshëm punojnë për të shtyer kufinjtë edhe më tej.
Në përballjen e mbrëmshme të Lakersit, LeBron James kishte kaluar Koben në listën e koshashënuesve më të mirë në histori të NBA-së, ndërsa Kobe në mesazhin e fundit të tij në twitter e kishte pikërisht për ‘te.
“Vazhdo ta dërgosh lojën edhe më përpara #James. Shumë respekt vëlla,” kishte cicëruar Kobe, një ditë para se tragjikisht të ndërronte jetë.
E në anën tjetër, LeBron ishte paraqitur në përballjen rekord-thyese të tijën me atletet: Mamba4Life (Black Mamba - ka qenë nofka e Kobet).
Në ndërkohë është kuptuar se në aksidentin me helikopter, ku humbën jetën 5 persona, përveç Kobet ka qenë edhe vajza e tij 13 vjeçare Gigi, që shihej si një supertalente e basketbollit, derisa CNN ka raportuar se ata ishin duke udhëtuar për ndeshjen e radhës së vajzsës së tij.