NEW BASKET - AS PRISHTINA
Rexha e Njike për fitoren me vlerë Play Offi
18 March, 2021 @20:29
Skuadra prizrenase, New Basket, duke e mposhtur AS Prishtinën me rezultat 94-87, ka arritur një fitore të rëndësishëm për Play Off.
AS Prishtina në dy çerekët e parë e kishte epërsinë, por loja e mirë e Drini Rexhës dhe Aaron Njikes në çerekun e tretë dhe të fundit, bëri që skuadra prizrenase ta përfundon me fitore.
Aaron Njike luajti me double-double prej 24 pikëve e 11 kërcime. Ai gjithashtu bëri 5 asistime, kurse Drini Rexha luajti me 23 pikë, 8 kërcime e 4 topa të rrëmbyer.
Rexha gjatë ndeshjes ka shënuar 5 herë nga vija e treshit në 9 tentimet e tij.
Te AS Prishtina u veçuan, Rron Kurti me 19 pikë e 10 kërcime dhe Ermir Gashi me 18 pikë e 7 kërcime.
New Basketi aktualisht gjendet në pozitën e katërt me një ndeshje më shumë me 9 fitore e 6 humbje, kurse AS Prishtina në pozitën e tretë me 11 fitore e 3 humbje.
