CITY - TOTTENHAM
Son feston golin e shënuar ndaj Manchester Cityt (Foto: Squawka)
Rikthim i Tottenhamit, City nuk fiton
21 January, 2017 @20:29
Ndeshja e fundit e ditës së shtunë në Premier League u mbyll me barazim.
City e Tottenhami dhuruan një ndeshje shumë emocionuese deri në çastet e fundit, e në fund të dyja u detyruan të pajtohen me nga 1 pikë, që nuk i shkon për shtati asnjërës në luftën për titull.
Mund të thuhet bindshëm që City ishte skuadra që e dominoi takimin, mirëpo rastet e shpërdoruara iu rikthyen ‘boomerang’, me Tottenhamin e Pochettinos që e riktheu takimin nga 2-0 në 2-2 dhe nuk doli me humbje nga ‘Etihad Stadium’.
Figurë e ‘veçantë’ e këtij takimi ishte portieri Hugo Lloris, i cili në pjesën e parë e shpëtoi disa herë portën e londinezëve, ndërsa në pjesën e dytë ishte fajtor në të dy golat që City i shënoi.
Ky barazim i konvenon Chelseat, që me një fitore eventuale nesër e rrit edhe më shumë distancën me ndjekësit në luftën për titull.
Manchester City vs Tottenham 2-2 All Goals… by footballderby
