Mavraj i plotë në debutim te Hamburgu

Qendërmbrojtësi i kombëtares shqiptare, Mërgim Mavraj, ka qenë njëra prej dy shtyllave të mbrojtjes te skuadra e tij e re, Hamburg.

Mavraj debutoi si titullar dhe luajti gjatë gjithë ndeshjes ndaj Wolfsburgut, duke treguar paraqitje të mirë së bashku me qendërmbrojtësin tjetër, grekun Kiriakos Papadopoulos, i cili po ashtu debutoi në këtë ndeshje.

Por në fund fitorja i takoi Wolfsburgut, i cili fitoi me rezultat minimal 1-0, me golin e Mario Gomezit në minutën 82’.

Vlen të ceket se Hamburgu në këtë ndeshje nga minuta 33’ luajti me një lojtar më pak për shkak të kartonit të kuq të suedezit Albin Ekdal.