Rilski përsëri fitues ndaj Pejës

Viti 2015 vazhdon të jetë jo i mirë për skuadrën e Pejës. Verdhezinjtë pas humbjes së para disa ditëve ndaj Teodos, u mposhtën edhe njëherë, kësaj radhe ndaj Rilskit para tifozëve vendas.

Çereku i parë i ndeshjes megjithëse kaloi kryesisht në baraspeshë, me dy trepikësha të Darin Ivanovit në minutën e fundit, kjo periudhë përfundoi me epërsi prej tetë pikëve për mysafirët, 19-27.

Peja u rikthye shpejtë në lojë me anë të pikëve të Luka Petkovicit dhe Samir Shaptahut, por kjo nuk mjaftoi që ekipi pejan të shkojë në pushim në epërsi, megjithëse rezultati u barazua dy herë (30-30 dhe 39-39).

Epërsinë verdhezinjtë e arritën në fillim të çerekut të tretë, me anë të lojës efikase të Drilon Hajrizit dhe Jozo Brkicit, të cilët ndihmoheshin vazhdimisht nga Shaptahovici i disponuar, por më pas ekipi bullgar me anë të një serie efikase e përmbysi disavantazhin për të kaluar sërish në epërsi, e cila u rrit deri në 9 pikë (72-81) kur kishin mbetur rreth 4:38 minuta deri në përfundim të ndeshjes.

Por kjo epërsi nuk i dha aspak siguri Rilskit deri në përfundim të ndeshjes. Peja hyri në seri të shpejtë dhe e ngushtoi epërsinë e mysafirëve deri në një pikë, 83-84, por kjo ishte e tëra që arritën të bëjnë pejanët pasi që faulet taktike të kundërshtarit nuk lejuan që nga palestra Karagaçi të del skuadra e Pejës.

Shaptahovic në ndeshjen e tij të fundit me Pejën arriti të shënoj 33 pikë dhe 8 asistime, duke u bërë bindshëm më i miri në skuadrën e tij, derisa tek fituesit u dallua Simeon Iliev me 20 pikë të shënuara.

Kjo ishte ndeshja e fundit e Pejës në pjesën e rregullt të Ligës Ballkanike, që përfundoi me bilanc prej 4 fitoreve dhe 4 humbjeve,

Rezultatet dhe tabela aktuale.

Statistikat individuale te Peja

Statistikat individuale te Rilski