Rodri kërkon besim nga tifozët

Rodrigo Hernandez lojtari i Manchester City, është shfaqur para mediave për të folur për gjendjen e ekipit spanjoll.

Spanjolli tha se askush nuk po fiton lehtë në këtë garë.
“Ne e dimë që skuadrat mund të kenë një emër më të vogël, por realiteti është se ata dinë të garojnë shumë mirë dhe askush nuk po fiton lehtë. Ne jemi të sigurt për atë që bëjmë dhe për nivelin tonë konkurrues, i cili është shumë i lartë “.

24 vjeçari kërkoi besim nga tifozët pasi ata kanë një grup të mirë.
“Unë vetëm kërkoj nga tifozët qetësi shpirtërore me ekipin dhe do të shohim se çfarë do të ndodhë. Grupi është i mirë dhe dinamika e ekipit është e mirë. Ne do të garojmë për të bërë më të mirën”

Ai foli edhe për lojën e tij me klubin aktual Manchester City.
“Unë vërej pjekuri në lojën time pas mbërritjes në Angli. Në ekipin kombëtar përpiqem të zbatoj lojën time, të bëj të njëjtën gjë si me klubin tim dhe t’i jap më të mirën trajnerit”.

Lidhur me largimin e Agueros, Rodri shprehu se i dëshiron gjitha të mirat pasi me të janë miq shumë të mirë.
“Shpresoj se ai do të bashkohet me një ekip të madh sepse kjo është ajo që e meriton. Unë kam një marrëdhënie të shkëlqyeshme me të. Ne jemi miq dhe i uroj më të mirën në botë. Ai është një shënues i shkëlqyeshëm”.