Rose kthehet me humbje

Super ylli i pa fat i Chicago Bullsit, Derrick Rose, pas 20 ndeshjeve, është rikthyer në parket.

Rose, përafërsisht para një muaji, kaloi një operacion, pasi që kishte të lënduar meniskusin në këmbën e tij të djathtë, ndërsa me një rehabilitim të suksesshëm arriti të kthehet, pas njëzetë ndeshjeve mungesë, mbrëmë në ndeshje kundër Orlandos.

Edhepse Chicago e humbi ndeshjen kundër skuadrës nga Florida, më i rëndësishëm ishte rikthimi i Derrick Rose, i cili luajti gati 20-të minuta, shënoi 9 pikë, 2 asistime, 2 kërcime.

Demat e Chicagos, kanë bilanc prej 46 fitoreve e 32 humbjeve dhe gjenden në pozitën e katërt në Konferencën Lindore, ku janë duke luftuar me Washingtonin dhe Toronton, për pozitën e tretë, në ndeshjet e mbetura të stinorit. 

Video

Shënimi i parë i Rose-të pas 20 ndeshjeve