Nowitzki përjashton Phoenixin nga Play-Offi

Dallas Mavericks me yllin veteran të ekipit, Dirk Nowitzki, nuk kanë pasur ndonjë qëllim special për këtë ndeshje, veç sigurimit të vendit të shtatë për start të Play-Offit. 

Sidoqoftë, ata më shumë i shkaktuan dëm kundërshtarit, pasi që përveç që e mposhtën ngushtë, e eliminuan edhe nga Play-Offi. 

Nowitzki përsëri është treguar njeriu i ndeshjes, pasi që shënoi 19 pikë dhe një treshe vendimtare në çerekun e fundit, që ia dha fitoren ekipit të tij. 

“Do të mbajmë kokën lartë. Natyrisht që është zhgënjim, por do të bëhemi edhe më të mirë në stinorin tjetër,” ka thënë pas humbjes, lojtari më i dalluar i Phoenix Sunsit, Gerald Green, 30 pikët e të cilit nuk ndihmuan për fitore. 

Te Dallasi, Monta Ellis ishte koshashënuesi më i mirë i ekipit me 20 pikë të shënuara, shto këtu edhe pasimin te treshja vendimtare e Nowitzkit. 

Përndryshe, pas treshes së Nowitzkit, Phoenix në sulmin e fundit ka tentuar tre herë për të shënuar treshe, por nuk e ka arritur këtë dhe në ndeshjet e mbetura të stinorit të rregullt, përfundojnë stinorin 2014/15.

Pas kësaj ndeshjeje Dallas ka bilanc 47-31, derisa Phoenix i eliminuar 39-40.