Jemi familje e madhe

Trajneri i Prishtinës, Marjan Ilievski, pas arritjes në finale ka treguar për balkanleague.net mënyrën e lojës dhe përafrimit në ‘të. 

“Dua të them se para ndeshjes kemi qenë të gatshëm për një presion të madh. Edhepse presioni më i madh ka qenë për vendasit, ne e kemi ditur që palestra e tyre do të mbushet e tëra,” ka thënë fillimisht Ilievski. 

“Jam tejet i kënaqur që lojtarët e mi janë qenë të gatrshëm që t’i rezistojnë një presioni të tillë dhe një mbrojtjeje tejet agresive, ku vështirë pranohet e qarkullohet topi,” ka shtuar ai. 

“Dua të falenderoj lojtarët, që treguan se ekipi ynë ka treguar se është një familje e madhe dhe familja mund t’i rezistojë goditjeve të mëdha, kur është bashkë,” ka thënë ndër të tjera trajneri maqedonas i Prishtinës, Ilievski. 

Sigal Prishtina ka arritur të bëhet ekipi i parë nga Kosova që arrin finalen e ligës ballkanike, duke e eliminuar Kozuvin në gjysmëfinale. 

Në finale, Sigal Prishtina do të ndeshet me Rilski Sportistin e Bullgarisë.