‘Nuk ishim në nivel’

Njëri ndër basketbollistët më meritor që Peja arriti historinë e klubit në Balkan League, duke u plasuar në gjysmëfinale dhe për një hap nuk e arriti finalen sonte, Alban Veseli, pas ndeshjes ka thënë se ekipit verdhezi, sonte nuk i shkoi për dore asgjë. 

“Nuk ishim në nivelin tonë të lojës. Dështuam në çdo aspekt. I falenderoj tifozët që na kanë përkrahur gjatë gjithë ndeshjes. Kemi arritur sukses të madh me kualifikimin në gjysmëfinale. Dëshiroj që t’i urojë suksese Sigal Prishtinës në ligën ballkanike,” është cituar të ketë thënë Veseli për Gazetën Olle, ka njoftuar ky portal pas ndeshjes. 

Peja kishte rastin e artë në duar për të kaluar në finale të garës dhe të bëhet ekipi i parë kosovar që e arrin këtë, por Rilski u tregua arrë e fortë sonte në Karagaç dhe dukshëm me lojë më të mirë arriti finalen e Balkan League për këtë stinor. 

Rilski në finale pret fituesin e ndeshjes Kozuv-Prishtina, ku Prishtina ka epërsi 24 pikëshe nga ndeshja e parë e zhvilluar në Pallatin e Rinisë dhe të Sporteve.