Prishtina niset nesër, trajneri do fitore

Ekipi i Sigal Prishtinës nesër në mëngjes (në ora 7:00) merr rrugë për Gjevgjeli para ndeshjes së kthimit ndaj Kozuvit. 

Skuadra bardhekaltër ka arritur të shënojë fitore të thellë në ndeshjen e parë gjysmëfinale të zhvilluar javën që shkoi në kryeqytetin tonë në një atmosferë madhështore. 

Mirëpo, sipas njoftimeve nga faqja zyrtare e ekipit prishtinas në Facebook, trajneri i tyre, Marjan Ilievski, u ka thënë lojtarëve që edhe nesër të kërkojnë fitoren në Maqedoni, pavarësisht epërsisë 24 pikëshe që kanë nga ndeshja e parë. 

“Në Gjevgjeli duhet ta lëmë shpirtin në parket dhe udhëtojmë për fitore, jo për të ndjekur rezultatin,” ka shkruar faqja e kampiones së Kosovës pak më parë. 

Ndeshja ndërmjet Prishtinës dhe Kozuvit zhvillohet të mërkurën mbrëma dhe ekipi më i mirë nga dy përballjet do të shkojë në finale të Balkan League.

Raporti më i gjërë për ndeshjen e së mërkurës, nesër. 

Balkan League - Skema