Rilski shuan ëndrrën pejane

Rilski Sportist është treguar shumë i fortë për Pejën sonte në Karagaç. Ekipi bullgar ka arritur të shënojë fitore shumë më të lehtë sesa që ka pritur para ekipit verdhezi dhe afro 3 mijë shikuesve në Karagaç. 

Fitorja e madhe e Pejës si mysafir me rezultat minimal shkoi dëm sonte, kur në pjesën e dytë Peja nuk arriti rikthimin në lojë, por mysafirët thelluan edhe më shumë epërsinë për të siguruar finalen e ligës ballkanike. 

Në çerekun e parë Peja e përfundoi atë me disavantazh të lehtë ndaj Rilskit. Bullgarët kishin tre pikë epërsi në fund të 10 minutëshit fillestar. 

Më pas, edhe çereku i dytë shkoi thuajse barabartë, por edhe këtu bullgarët morrën 2 pikë epërsi, për të shkuar në pushim të pjesëve me 5 pikë. 

Kur pritej rikthimi i Pejës në çerek të tretë, ata pësuan më së keqi, duke e humbur atë 16-26, për të hyrë në 10 minutëshin përfundimtar me 15 pikë minus. 

Në çerekun e fundit Rilski krijoi epërsi të hatashme 22 pikëshe në total dhe 6 minuta para fundit të ndeshjes, Pejës iu shuan shpresat për finale historike. 

Më pas, mbeti vetëm për tu përcaktuar rezultati final i ndeshjes, derisa Peja këtu u përshëndet nga liga ballkanike, e Rilski pret fituesin e ndeshjes Kozuv-Prishtina për finalen e madhe. 

Zarko Rakocevic ishte më i dalluari në ndeshje. Rakocevic shënoi double-double prej 22 pikëve dhe 11 kërcimeve për Rilskin, derisa u ndihmua edhe nga dyshja amerikane Vernon Taylor me 19 dhe Jordan Norfleet me 14 pikë tjera. 

Te Peja, përkundër se katër lojtarë shënuan pikë dyshifrore, efiçenca e tyre nuk ishte e lartë sonte. Ndeshjen me më së shumti pikë të shënuara e përfundoi amerikani Nic Wise, duke shënuar 17 pikë, krahas 9 asistimeve, derisa pas tij u renditën Alban Veseli me 16 dhe Jozo Brkic me 14 pikë të shënuara. 

Skema e Play-Offit

Pas pak ju sjellim statistikat e ndeshjes

Statistikat ekipore:

Statistikat individuale te Peja:

Statistikat individuale te Rilski: