Prishtina historike, drejt trofeut

Kampionja e Kosovës në basketboll, Sigal Prishtina, ka arritur që të hyjë në histori të vendit si ekipi i parë që ka arritur finalen e ligës ballkanike. 

Prishtina nuk ka rënë në asnjë moment nën presionin e lojës që e aplikonte Kozuvi, të cilit i duheshin shumë pikë për ta shkrirë epërsinë e madhe nga ndeshja e parë, 24. 

Me pikët e Dardan Berishës dhe lojën e vëmendshme të tërë skuadrës, bardhekaltërit, që sonte luanin me fanellat e treta në Gjevgjeli, kanë arritur që të shkojnë në finalen e madhe të BIBL. 

Çereku i parë ishte i barabartë dhe Prishtina doli në epërsi të lehtë në fund të saj, 25-26. Çereku i dytë i takoi ekipit maqedonas, por jo për të shkaktuar probleme ndaj Prishtinës, 47-45, ekipet shkuan në pushim. 

Në pjesën e dytë Kozuvi vazhdoi pak më ashpër, por më kot, Prishtina ishte në nivel të detyrës dhe çoi ndeshjen deri në fund në mënyrën më të mirë për të arritur finalen e madhe, ku e pret ekipi bullgar Rilski Sportist. 

Dardan Berisha ishte koshashënuesi më i mirë i ndeshjes me 22 pikë të shënuara, derisa në llogari të tij ai shtoi edhe 4 asistime e 2 kërcime. 

Edin Bavcic me 20 pikë e 9 kërcime, si dhe Bojan Trajkovski me 13 pikë e 11 kërcime kanë qenë ndër kontribuesit më të madh të kësaj fitoreje në total, pasi që rezultati përfundimtar ishte 86-80 në të mirë të maqedonasve. 

Te humbësit, Aleksej Nesovic ishte më efikasi me 18 pikë të shënuara. 

Skema e Play-Offit

Statistikat e ndeshjes ju sjellim pas pak

Statistikat ekipore:

Statistikat individuale te Kozuv:

Statistikat individuale te Sigal Prishtina: