Sahiti: Po vërehet dëshira për fitore

Përzgjedhësi i Kosovës, Muharrem Sahiti, në prag ndeshje ndaj Letonisë duke folë me mediat ka thënë se në ekip po mbretëron atmosferë pozitive.

“Kemi punuar mjaft në këto katër ditë. Brenda grupit kemi një atmosferë jashtëzakonisht të mirë. Po vërehet një dëshirë e madhe për fitore. Është një moment i veçantë për shumicën e futbollistëve, të cilët për herë të parë do të luajnë para shikuesve në Kosovë dhe kjo na bën edhe më tepër përgjegjës që të angazhohemi maksimalisht për një rezultat të mirë që shpresojë të mos mungojë,” ka thënë Sahiti.

Derisa ka shtuar se beson që stadiumi të jetë përplotë për këtë ndeshje.

“Besojë që stadiumi “Adem Jashari” do të jetë për plotë me adhurues që do të jenë në përkrahje të Kombëtares dhe në fund të mos ndahen të zhgënjyer,” ka thënë përzgjedhësi i përkohshëm i Kosovës, Sahiti.

Kosova pret Letoninë nesër në Mitrovicë, në ndeshjen që nis në ora 19:30.