SHBA-të deklasojnë Serbinë për të artën

Pa ndonjë befasi, SHBA-të kanë deklasuar në finale përfaqësuesen e Serbisë, për ta fituar kështu medaljen e artë olimpike në basketboll.

Çereku i parë ishte më i barabartë, ndërsa që nga çereku i dytë, amerikanët filluan shpërthimet dhe kjo vazhdoi deri në fund të takimit, me rezultatin përfundimtar që figuroi 96-66 në të mirë të SHBA-ve.

Edhe pse ishte finale, përfaqësuesja serbe arriti të shënojë vetëm 43 pikë në 3 çerekat e parë të ndeshjes, duke dëshmuar një tjetër fakt të dominimit amerikan në këtë takim.

Më i dalluari për SHBA-të ishte Kevin Durant me 30 pikë të shënuara, prej të cilave 5 trepikësha, ndërsa përveç tij kontribuuan edhe DeMarcus Cousins me 13 pikë e 15 kërcime dhe Klay Thompson me 12 pikë e 3 kërcime. Te serbët u dallua Nedovic me 14 pikë të shënuara.

Ky është titulli i 15 i SHBA-ve në kuadër të basketbollit në Olimpiada, ndërsa Serbia ende nuk ka medalje të artë në këtë sport.

Lista e plotë e lojtarëve amerikanë dhe statistikat e tyre: