Kengurët u dorëzuan në gjysmëfinale

Performanca e mirë e australianëve dhe rrugëtimi i tyre olipmik, mori fund në gjysmëfinale.

Me lojë të mirë që treguan në fazën e grupeve, “kengurët” u pëlqyen nga shumica e basketbolldashësve, por në gjysmëfinale u dorëzuan totalisht kundër Serbisë.

Serbia me mbrojtje të fortë, arriti ta mposht kundërshtarin me rezultat 87-61, derisa në pjesën e parë të ndeshjes pësuan vetëm 19 pikë.

Lideri i skuadrës Milos Teodosic, luajti me 22 pikë e 5 asistime, ndërsa në anën tjetër, më i miri ishte Patty Mills me 13 pikë të shënuara, kurse njëri ndër faktorët e humbjes ishte performanca e Adrew Bogutit i cili shënoi vetëm 4 pikë.

Australia do të luaj me Spanjën për medalje të bronztë, derisa Serbia në finale do të përballet me SHBA-në.