Tangoja e fundit e legjendës

Ndoshta “Dream Team” i SHBA-ve e fitoi ndeshjen e mbrëmshme çerekfinale të Lojërave Olimpike të Rios ndaj Argjentinës.

Mirëpo, ata që e kanë parë ndeshjen, kanë mundur të vërejnë lehtë ovacionet e mëdha që i morri ekipi argjentinas në fund.

Arsyeja ishte një. Përshëndetja e legjendës dhe potencialisht edhe dy veteranëve tjerë të përfaqësueses që ndërtoi Genaracion Dorado, apo në shqip, gjeneratën e artë të vendit të tyre.

Emanuel David Ginobili Maccari, i njohur si Manu Ginobili, mbrëmë zhvilloi ndeshjen e fundit me Argjentinën dhe u përshëndet nga publiku me ovacione të mëdha, ndërsa atij iu panë lotët në sy gjatë largimit nga parketi.

Listen to the Argentina crowd. This is something special. They're down 20+ and still cheering for Ginobili and Scola.

— Matthew Cardenas (@CardenasMaLWOS) August 17, 2016

“Një aventurë e jashtëzakonshme. Kam qenë me shumë fat që kam qenë pjesë e ekipit dhe kam pasur mundësi që të luajt katër herë në kësi lloj organizimesh sportive. Kam mësuar shumë. Thjesht, një përvojë e pabesueshme. Janë bërë rreth 20 vjet me këtë fanellë në trup, është emocionale,” ka thënë Ginobili 39 vjeç për mikrofonat e shumtë pas ndeshjes në Carioca Arena të Rios.

Ginobili ka fituar thuajse gjithçka në botën e basketbollit, ndërsa njërën ndër më të vlefshmet e ka respektin e publikut amerikan, fakt ky që vështirë e fitojnë të huajt në NBA.

Carmelo is as impressed by the Argentina fans as we are. pic.twitter.com/U0mhG5hXbp

— Tom Westerholm (@Tom_NBA) August 17, 2016

Rrugës së tij duket të kenë shkuar edhe dyshja tjetër legjendare e gauchosëve, Luis Scola dhe Andres Nocioni, që besohet të kenë zhvilluar Olimpiadën e fundit të tyre, e ndoshta edhe për herë të fundit kanë veshur fanellën e vendit.

“Nëse asgjë tjetër… i kemi bërë të ditur të gjithëve në Argjentinë se duke ëndërruar mund të arrish gjithçka. Ne e kemi mposhtur çdo vend tjetër në basketboll,” ka thënë Scola.

Triumfet madhore të Manu Ginobilit: