Një pikë dallim, vendosi për medalje

Dueli ndërmjet Australisë dhe Spanjës për medaljen e bronztë në Rio 2016 u vendos krejt në fund, pasi që ndeshja shkoi barabartë gjatë rrjedhës së saj.

Në fund, Austrlia edhepse kishte topin në posedim nuk arriti të bëj shutin vendimtar dhe Spanja fitoi medaljen me më pak shkëlqim, të bronztën.

Pau Gasol është treguar lider i vërtetë edhe njëherë. Ai ka përfunduar ndeshjen me double-double prej 31 pikëve dhe 11 kërcimeve, derisa ka shtuar edhe 2 asistime e 1 bllokadë në ndeshje.

Nikola Mirotic shënoi 14 pikë e 7 kërcime, ndërsa Sergio Rodriguez shtoi 11 pikë tjera në fitore.

Te Australia, Patty Mills ka shënuar 30 pikë e 2 asistime, ndërsa Daniel Andersen ka shtuar 15 të tjera, në ndeshjen që vendosi kengurët në pozitën e katërt dhe i la pa medalje në Lojëra Olimpike.