GRUPMOSHAT E REJA - MESHKUJT
Shorti i plotë për grupmoshat e reja
10 December, 2016 @12:57
Përveç shortit për skuadrën seniore, sot në Pragë u kuptua edhe shorti për grupmoshat e reja të Përfaqësueses së Kosovës në basketboll.
Djemtë e Kosovës U16 bëjnë pjesë në Divizionin B dhe shorti vendosi që ata të jenë në Grupin D bashkë me përfaqësueset e Britanisë së Madhe, Gjeorgjisë, Portugalisë, Maqedonisë dhe Luksemburgut. Ndeshjet zhvillohen mes datave 10-19 gusht 2017 në Sofje të Bullgarisë.
Grupmoshat U18 bëjnë pjesë në Divizionin C dhe shorti vendosi që ata të jenë në Grupin A bashkë me Norvegjinë, Armeninë dhe Qipron. Ndeshjet zhvillohen në Nikozia të Qipros ndërmjet datave 4-9 korrik 2017.
Në grupmoshat U20, Kosova është pjesë e Divizionit B, ndërsa kampionati i vitit 2017 zhvillohet në Oradea të Rumanisë në periudhën 14 – 23 korrik. Kosova është në grupin D me Kroacinë, Hungarinë, Portugalinë, Irlandën, dhe Moldavinë.
Sqarim: Vendosja e përfaqësueseve në divizione bëhet sipas sukseseve të treguara në kampionatet paraprake.
