Shpirti i sportistit

Amerikani 36 vjeçar i Pejës, Frederick House, ka treguar edhe njëherë madhështinë e tij si lojtar dhe dëshirën e madhe për fitore. 

Ai i ka treguar edhe njëherë shpirtin e madh të një sportisti, duke luajtur më shumë se një çerek nën gjendje jo të mirë shëndetësore sonte ndaj kampionit të Balkan League, Galil Gilboa. 

House me gisht të thyer dhe me temperaturë ka duruar 13 minuta duke shënuar 10 pikë prej të cilave dy treshe, 1 asistim dhe 1 vjedhje të topit. 

Mirëpo, ai në fund nuk mundi t’i bëj ballë temperaturës së lartë që arriti deri në 39 shkallë, e që nën duartrokitjet e publikut u bart nga ekipi emergjent për trajtim të mëtutjeshëm. 

Largimi i tij nga ndeshja ka ndikuar dukshëm edhe në lojën e sigurtë të Pejës, që nuk arriti të kthehej në lojë.