Shqipëria dorëzohet në pjesën e dytë

Shqipëria edhe më tej mbetet pa e shijuar fitoren e parë në kualifikimet për Eurobasket 2017. Kuqezinjtë janë mposhtur në shtëpi nga përfaqësuesja e Gjeorgjisë, përballë së cilës ishin plotësisht të barabartë sidomos në çerekun e parë.

Gjerogjia, e udhëhequr nga qendra 216 centimetërshe, Giorgi Shermadini dhe ylli i NBA-së, Zaza Pachulia, arritën të fitojnë me rezultat 64-84.

Dallimi i madh në rezultat u krijua në tetë minutat e fundit të çerekut të katërt. Atë kohë rezultati ishte 57-61 për Gjeorgjinë, ndërsa më pas mysafirët krijuan seri perfekte për të mos lënë dilemë për fituesin e takimit.

TABELAT AKTUALE NË KUALIFIKIMET PËR EUROBASKET

Amerikani i Shqipërisë, Rashaun Broadus, ishte më i miri te kuqezinjtë me 26 pikë, kurse te Gjeorgjia shkëlqeu Zaza Pachulia me 20 pikë.

Me këtë humbje, Shqipëria vazhdon të mbetet në fund të radhitjes tabelare në grup, pa asnjë fitore në katër ndeshje, kurse Gjeorgjia e shënoi fitoren e tretë të saj.