KERASANPRISHTINA-SIGALPRISHTINA
Sigal Prishtina s’ka të ndalur
15 November, 2017 @20:55
Pa probleme në Superligë dhe me mendje në FIBA Europe Cup. Sigal Prishtina ka tejkaluar lehtë edhe një pengesë të Superligës.
Kësaj radhe viktimë ishte ekipi prishtinas, Kerasani, në derbin lokal, të cilin Sigal Prishtina e fitoi 53-108.
Andrew Lawrence përfundoi ndeshjen me double-double te Sigal Prishtina, duke shënuar 21 pikë dhe 12 asistime në përballje, ndërsa më efikasi ishte Dardan Berisha që shënoi 24 pikë, me 50% saktësi prej 6.75m duke shënuar 4 herë nga 8 tentime.
Te Kerasani, që përjetoi humbjen e tetë të stinorit sonte, lojtari i vetëm që shënoi pikë dyshifrore ka qenë Alban Latifaj, me 12 pikë.
Derisa Sigal Prishtina po vazhdon serinë e pamposhtshmërisë në Superligë duke e bërë bilancin 10-0 pas 10 xhirove të para, Kerasani tash ka bilanc 2-8.