VAR
Sistemi VAR, sonte debutimi në Angli
8 January, 2018 @20:40
Për herë të parë në futbollin anglez, sonte do të përdoret sistemi VAR (Video Assistant Referee).
Ky sistem i referimit do të jetë në një lloj prove në ndeshjen mes Brightonit e Crystal Palacet, ndeshje kjo e vlefshme për raundin e tretë të FA Cup.
Pas debutimit të teknologjisë më moderne të referimit në futboll, debutim ky që do të ndodhë sonte, Federata Angleze e futbollit do të marrë vendim nëse ky sistem do të përdoret edhe në Premier League në të ardhmen, ndërsa ky vendim pothuajse i menjëhershëm për inkuadrimin e VAR-sistemit ka ardhur pas gabimeve të shumta të gjyqtarëve si në Premier League, ashtu edhe në kupat e futbollit anglez.
