Sot vendoset për vazhdimin e garave

Drejtuesit e skuadrave të Superligës do të mblidhen sot me drejtuesit e Federatës së Basketbollit të Kosovës për të disktuar përfundimisht datën e nisjes së pjesës pranverore të stinorit. 

“Kemi një takim sot me përfaqësuesit e skuadrave. Ne nuk jemi për shtyerje, mirëpo pjesa dërrmuese e klubeve nuk kanë paguar obligimet ndaj FBK-së,” ka thënë kryetari i FBK-së Erolld Belegu, duke bërë të ditur se takimi mbahet gjatë orës 14:00 sot, në një prononcim për Borozani.com 

Superliga sipas datave të përcaktuara më parë është dashur të niste sot, derisa Sigal Prishtina do ta zhvillonte ndeshjen e parë me Dritën. Për më tepër Sigal Prishtina ka publikuar orën e nisjes së ndeshjes së sontme ndaj Dritës në faqen e saj zyrtare pak më parë. 

Derbi i xhiros së parë do të luhet në palestrën Sezai Surroi të Prizrenit ku takohen Bashkimi i renovuar me lojtarë të huaj me Pejën, që ka trajner të ri.