Spahi mund të huazohet te skuadra kampione

Konkurrenca e madhe në pozitën e organizatorit te skuadra e Fenerbahçes, mund ta lë jashtë loje basketbollistin kosovar, Kenan Spahi.

Talenti nga Prishtina siç duket nuk do të jetë në planet e trajnerit Zjelko Obradovic, i cili këtë stinor në dispozicion ka lojtarë të shumtë në pozitën e Kenanit si Bobby Dixon, Konstantinos Sloukas, Ricky Hickman dhe Berk Ugurlu.

Interesim për Kenanin ka shprehur kampionja aktuale e Turqisë, Pinar Karsiyaka, e cila këtë stinor do të garojë edhe në Euroleague, ndërsa me gjasë, Karsiyaka do ta huazojë 20 vjeçarin.

Kenani ka kontratë deri në fund të stinorit me Fenerbahçes, por kjo e fundit ka në dispozicion mundësinë e vazhdimit të kontratës deri në fund të stinorit 2016/17.

Kosovari ka qenë pjesë e kampit të përfaqësueses së Turqisë në kuadër të përgatitjeve për Eurobasket, por në fund nuk arriti të bëhej pjesë e 12-shes së parë.