Spanja e bronztë

Matadorët, e përmbyllën Kampionatin Europian 2013, në vendin e tretë, duke i mposhtur kroatët me rezultat 92-66.

Këto dy skuadra, janë takuar edhe në fillim të Kampionatit, ku fitues nga dueli ishte gjithashtu Spanja. 

Nuk kishte shumë dallim nga ndeshja e parë, ngase spanjollët dominuan edhe në ndeshjen, ku shpërblimi ishte medalja e bronztë.

Sergio Llull (21), Marc Gasol (17) dhe Victor Claver (16), luajtën rol të rëndësishëm në fitoren e ekipit iberik, ndërsa 22 pikët e Bojan Bogdanovicit, nuk mjaftuan për fitoren e kroatëve.

Finalja e madhe e Eurobasketit, do të luhet në ora 21:00, ndërmjet Lituanisë dhe Francës.